...daga alk'alamin Muhammad Tajajjini d'an Tijjani
1.
Idan da akwai
wani abu mai tabbas
da ke d'orewa...
2.
A doron k'asa
ba zai wuce gushewar
abin yayi ba.
3.
In ana yayin
abu wAllah kai ka ce
ba zai kauce ba.
4.
Ba zai ta6e ba!
Amma a kwan a tashi
sai ka ji shi d'if.
5.
Gaba d'aya ka
daina jin d'uriyarsa.
Kamar ba ai ba.
6.
Kai ko ambato
balle labarinsa duk
an daina yi kaf.
7.
Duniya ke nan.
Mutum an yi yayinka
ma ya ka k'are...
8.
Balle a ce ba
ai ba. Kowa duniya
ta rungume shi
9.
Sai ya makance.
Ya kama ganin shi fa
na musamman ne.
10.
Na baya ne ba
su iya ba, shi ya sa
ta rufta da su.
11.
Ta shi ba irin
ta su ba ce! Da sannu
kowa zai gane.
12.
Amma ina! Can
sai ka ga mai hawa Jeep
na sayan yalo.
13.
Yana k'orafin
an mas tsadar ta hamsin.
Ko kunya bai ji.
14.
An daina cin su
Shawarma da shan Laban
an koma koko.
15.
Takalmin rafta
rigar jeme ba wanki.
Fuska a kod'e.
16.
Da ba a Sallah
don ba lokaci, yanzu
ko ba natsuwa.
17.
Su na ji su na
gani ana biki ba
zanin d'aurawa.
18.
Jiya ta tafi
da shurarsu, ta bar su
k'anzon zubarwa.
19.
K'uncin yau daban
na gobe wa ya san ko
za ta iso mas?
20.
Don kewar tashe
kan kashe bawa ko
da bai mace ba.
21.
Ka gan shi iska
na kad'awa a gari
ganye a bushe.
©2025 Tijjani M. M.
A Kiyayi Haƙƙin Mallaka
No comments:
Post a Comment