...daga alƙalamin Muhammad Tajajjini ɗan Tijjani
1.
Yau dai wAllahi
na ga abin da ya ban
mamaki kwarai.
2.
Wani gardi na
gani na cin na jaki!
Bulalu shaaraaaf!
3.
Yana ihu a
na ku ƙara mas dubu
gobe ya sake.
4.
Duk wanda bai da
mafaɗi bai ji daɗi
ba sam wAllahi.
5.
A ce yaro ya
doshi faɗawa wuta
bai da makwaɓi.
6.
Bai da uwa ta
gari da za ta yi wuf
ta sure ɗanta.
7.
Ta sa ido ta
hana cuta atafau
ta cutar da shi.
8.
Dakarun gidan
mahaifin Y. Amurka
sun kyauta wAllah!.
9.
Da suka zane
shi ciki da bai har
ma da ɗoriya.
10.
Suka kaddamar
da bulalar hana shi
baɗalar Tiktok.
11.
Da iyaye da
ahli na yin haka ai
da anga gyara.
12.
Da irin su O'
da duk sun daina rashin
"M" a dandali.
13.
Saboda neman
kuɗi maras tsafta sai
mutum ya kife.
14.
Shi ko ko oho.
Kima da martabar
gidansu a tir.
15.
Yanzu da Hizbah
ce ta hora shi ka ji
tarantsin banza!
16.
To hanin munkar
aiki ne akan kowa!
in Musulmi ne.
18.
Da hannu da
baki da zuci ga mai
raunin imani.
19.
Amma ai shiru
wAllah ba daidai ba ne.
Dole a motsa.
20.
Wani lokaci
magana ba ta isa
sai da dorina!
21.
Haka Allaah Yai
umarni a Qur'ani.
A sharɓa musu!
*©2025 Tijjani M. M.*
A Kiyayi Haƙƙin Mallaka
No comments:
Post a Comment